Actions (Infotype 0000) / Ümumi məlumat və tənzimlənməsi

Məqsədi 

Bu İNFOTYPE  özündə şəxsin karyerası ilə bağlı olan məlumatları saxlayır. Misal üçün işə qəbul, vəzifə dəyişikliyi, işçinin statusu və s. Bu İNFOTYPE yalnız ACTİON aparılan zaman dəyişdirilir. PA30-dan dəyişdirmək olmur. 

Vaxt məhdudiyyəti ( Time constraint ) 

İNFOTYPE-da heç vaxt kəsişmə və ya boşluq ola bilməz. Yəni  işçi eyni anda həm "AKTİV" həmdə "İNAKTİV" ola bilməz. Əgər işçi işdən çixarılarsa məlumatın bitmə tarixi sonsuzluq olur. Yəni bu İNFOTYPE silinə bilməz. 

Əsas FİELD-lərin izahı və tənzimlənmələri

İNFOTYPE-ın əsas səhifəsi yuxarıdakı kimi açılır. Növbə ilə yuxarıdan başlayaraq sahələrin  tək-tək izahına keçək.

1. Personnel actions

Action Type - bu əməliyyatla hansı ACTİON-ın aparıldığını göstərir. Misal üçün işə qəbul , işdən azad olunma, iş vaxtının dəyiklikliyi və s. İstifadiçilərin istəyinə uyğun ACTİON-lar yaradıla və bu siyahıya əlavə oluna bilər. Uzun proses olduğundan ayrıca dərsdə bu izah olunacaq.

Reason for Action - Bu əməliyyatın (Nümunədə - İşə qəbulun) hansı səbəbdən aparıldığını göstərir. Bunlar müxtəlif ola bilər - yeni vakansiya, xüsusi proyekt üçün və s. İstəyə uyğun əlavə səbəblər yaradıla bilər . Bunların tənzimlənməsi SM31 tranzaksiyası vasitəsilə  V_T530  cədvəlində aparılır. 

Bu cədvəldən mövcud "REASON" sistemdən silinə , yenisi əlavə oluna və ya adı dəyişdirilə bilər.

2. Status

Bu işçinin hansı statusta olacağını göstərir. Misalda ACTİON işə qəbul olduğundan işçinin statusu "ACTİVE"-dir. Müxtəlif misallarda fərqli ola bilər : İnactive, Retire ( təqaüdə çıxmış) və s. Bu sahəni tənzimləmək üçün SM31 vasitəsilə V_T529U cədvəlindən istifadə olunur. 

 3. Organizational assigment 

Bu sahə işçinin işlədiyi qurumdakı vəzifəsi  , hansı departamentə və ya filiala aid olduğunu, və ixtisasını göstərir. 

Position - işçinin vəzifəsini. ( proqramçı, əməliyyatçı və s.)

Personnel area - şirkətin bölgüsünə uyğun olaraq hansı sahədə işlədiyi.( Şəhər filialları , Bölgələr və s.)

Employee group - Hansı işçi sinfinə aid olduğu .

Employee subgroup - İşçi siniflərinin alt qrupları.

Qeyd: Yuxarıdakı misal heç də bütün şirkətlər üçün eyni deyil. Şirkətlər öz istəklərinə uyğun olaraq bu bölgüləri müxtəlif apara bilər.  Bu seçimlərin tənzimlənməsi HR-ın OM və PAYROLL modulu ilə əlaqəli olduğundan əlavə dərsdə geniş izah olunacaq.

Time Constraints in HR Master Data / Vaxt məhdudiyyətləri

Ümumi məlumat

Yeni məlumat yaradarkən, mövcud məlumata əlavələr və ya dəyişikliklər edərkən sistem məlumatın zaman tipinə uyğun olaraq müxtəlif reaksiya verir : köhnə məlumatı silir, limitləyir  və ya məlumatı iki hissəyə ayırır. Bu da bizə sistemdə  bir İNFOTYPE - a uyğun bir neçə məlumat saxlamağa imkan verir.  Sistemin yaratdığımız məlumata necə davranmağı İNFOTYPE-ın zaman xüsusiyyətlərinə uyğun dəyişir. Ümumilikdə sistemdə vaxt məhdudiyyətləri 3 yerə bölünür , əlavə olaraq A,B,T,Z vaxt bölgüləridə var. Bütün TİME CONSTRAİNTS-ların  misallarla izahına keçək.

Time Constraint 1

Buna uyğun məlumatlarda kəsişmə və ya boşluq ola bilməz. 

Misal: Organizational Assignment (0001) İNFOTYPE-ı sistemdə mövcud olan bütün işçilərdə mütləq olmalıdır. Sistem bu İNFOTYPE-dakı məlumatı bütün proseslər zamanı istifadə edir. Çünki sistem işçinin hansı vəzifədə olduğunu və statusunun nə olduğunu bilməlidir. Bu məlumat unikal olmalıdır.  Çunki eyni anda işçinin statusu  ACTİV və İNACTİVE ola bilməz. 

Time Constraint 2

Eyni anda yalnız bir aktiv məlumat ola bilər. İki məlumat arasında boşluq mümkündür.  Bu xüsusiyyətli məlumatların tarixi kəsişə bilməz. Bu məlumatların mövcudluğu məcburi deyil. Buna uyğun  məlumat yaradanda sistemdə bu məlumat varsa avtomatik olaraq köhnəni limitləyir. Yəni ilk yaradılanın bitmə tarixi ikincinin başlama tarixi olur.

Time Constraint 3

Boşluq mümkündür, eyni anda bir neçə məlumatın olmasına imkan verir. Məlumatlar bir biri ilə konflikt yaratmır. Bu məlumatların olması vacib deyil.

Misal: Powers of Attorney(0030) . Bu özündə işçinin vəkalətnamələrini saxlayan İNFOTYPE-dır. Bu da aydındır ki, eyni anda işçinin bir neçə belə sənədləri ola bilər. 

Time Constraint A

Buna uyğun İNFOTYPE-lar yalnız sistemdə bir dəfə yaradılır və onun etibarlılıq müddəti 01.01.1800 - 31.12.9999  tarixi ilə müəyyən olunur. Bu İNFOTYPE-lar silinmir, sistemdə bölünmür  və ya limitlənmir.

Time Constraint B

Bunlar da eynən Time Constraint A-ilə eyni xüsusiyyətlərə malikdir. Sadəcə bu məlumatlar sistemdən silinə bilir.

Time Constraint T

Əgər İNFOTYPE-ın vaxt məhdudiyyəti SUBTYPE-larına uyğun müəyyənləşirsə bunlar T tipinə aid olur.

Misal: Ailə üzvlərinə aid İNFOTYPE (0021) özü T tiplidir.

Lakin alt tipləri (SUBTYPE) olanlar müxtəlif vaxt tiplərinə aid olur.

İnfotype 0021 - Time constraint T.

Spouse subtype (həyat yoldaşı) - Time constraint 2 .

Child subtype (Uşaq) - Time constraint 3.

Time Constraint Z

TİME MANAGMENT-ə aid bütün İNFOTYPE-lar bu vaxt məhdudiyyətlərinə aiddir.

PERSONNEL NUMBER / PA04 - sistemdə istifadəsi və tənzimlənməsi

İşə götürülmə prosesi zamanı (PA40) hər bir işçiyə sistemdə şəxsi  nömrə ( PERSONNEL NUMBER ) açılır. Bu nömrələr işə qəbul prosesi aparılan zaman tənzimləmələrdən asılı olaraq avtomatik və ya əllə müəyyən edilir. PERSONNEL NUMBER - in əsas üstün cəhəti unikal olmasıdır. Hətta iki eyni adlı işçi sistemdə mövcud olsa belə bu nömrələrlə onların məlumatlarını asanlıqla ayırd etmək olur.

PERSONNEL NUMBER 8 rəqəmdən ibarət olur. Bu nömrələrin təyin olunma ardıcıllığı və intervalların sayı PA04 tranzaksiyası ilə müəyyənləşir.

PERSONNEL NUMBER intervallarının PA04 ilə tənzimlənməsi:

1. Tranzaksiya çağırılır. 

2. Əsas səhifədə 3 seçim verilir.

Sıra ilə seçimlərə baxaq və imkanlar ilə tanış olaq.

1. İntervals -  düyməsi seçilir. 

    Növbəti səhifə açılır.  Bu siyahı sistemdə mövcud olan  nömrə sıralamalarını göstərir. ( Misalda bir     dənə mövcuddur) . 

No - intervalın nömrəsi.

From number - to number - aralığın 00000001 -dən 44444444- ə kimi rəqəmləri əhatə etdiyini göstərir.

Current number - ən son istifadə olunan nömrənin 107 olduğunu göstərir. (Qeyd: növbəti işçiyə sistem 108 rəqəmini təyin edəcək).

Ext - bu seçim isə sayın sistem tərəfindən avtomatik olunduğunu göstərir. Əgər bu kvadrat 

seçilmiş olsaydı bu halda biz nömrəni əllə daxil etməli olardıq. 

2. Geriyə qayıdıb ikinci STATUS seçiminə baxaq.

Yenə yuxarıdakı səhifə açılır sadəcə bu səhifədə CURRENT NUMBER sahəsi girişə açıqdır.

Burdan ən son istifadə olunan işçi nömrəsini dəyişdirmək olur. 

Qeyd:  Əgər biz nömrəni 107-dən bir başa 1-ə çəksək sistem 1-dən başlayaraq nömrələri

yoxlayacaq. Əvvəlcədən istifadə olunmuş nömrələri keçəcək. (Misal üçün 1, 2 , 3, 4 nömrələri

hansısa işçiyə təyin edilibsə sistem 5-dən başlayacaq)

3. Yenidən geriyə qayıdıb İNTERVALS seçimi edilir.

Bu ekranda  FROM NUMBER və TO NUMBER seçimləri girişə açıq gəldi. İntervalları burdan

dəyişdirmək olur. Əlavə olaraq ekranın yuxarı hissəsində  iki yeni düymə var.  İkinci düymə intervalı

silmək üçündür.  

Birinci düymə isə yeni interval əlavə olunması üçündür. 

Birinci düymə kliklənir və aşağıdakı səhifə açılır. Yeni intervalın nömrəsi , hansı aralıqda olması qeyd edilir. Sondaki EXT sahəsi kliklənir. Bu o deməkdir ki, bu intervaldan istifadə zamanı PERSONNEL NUMBER əllə daxil ediləcək.  

Bütün məlumatlar daxil edildikdən sonra SAVE düyməsi seçilir İNTERVAL yaradılmış olur. Bir neçə interval yaradıb hər bir departament , şöbə və  s. üzrə müxtəlif aralıqlardan istifadə etmək olar. 

( Misal üçün 1ci departament 00000001 - dən 44444444-ə kimi , ikinci departament isə 44444445-dən 99999999-a kimi olan rəqəmlərdən istifadə edəcək ). 

Əlavə olaraq: İNTERVALLARIN PA40  ilə necə inteqrasiya olunduğunu. Və seçimlərin hansı əsasda aparılması,  tənzimlənməsi , təyin olunmuş nömrənin silinib yenidən istifadə olunması, İNTERVALLARIN şöbələr üzrə bölünməsi və s sonrakı dərslərdə izah olunacaq. 

PA10 - Personnel file / BÜTÜN ŞƏXSİ MƏLUMATLARIN BAXILMASI

      İşçinin şəxsi hesabına (Personnel Number) aid bütün məlumatlara PA10 tranzaksiyası ilə baxmaq olar. Bunun PA20-dən fərqli cəhəti bütün İNFOTYPE - lara tək bir şəxsi nömrəni daxil etməklə ardıcıl baxılmasından ibarətdir. 

 PA20-də məlumatlara baxılması:

1) PA20 çağırılır. 

 2) İşçi nömrəsi daxil edilir, Ekranın üst hissəsində ki, DİSPLAY düyməsi seçilir.

 3) Bundan sonra məlumatlar növbə ilə gəlir. Previous record və Next record düymələri seçilərək               məlumatlar  baxılır.

        Əlavə olaraq: İNFOTYPE - lar sıra nömrəsinin artmasına (Misal: 0000 -dan 0016-ya )görə , sonra isə onların aktiv olma tarixinə görə sıralanır. Əgər bir İNFOTYPE - a uyğun bir neçə SUBTYPE   və ya  eyni İNFOTYPE - ın bir neçə məlumatı mövcuddursa onlar ardıcıl olaraq ekrana gətirilir. Ən sonuncu məlumatdan sonra proqram yenə ilkin səhifəyə  qayıdır. 

       PA10 ilə şəxsi hesaba baxış zamanı sistem bu işçinin hesabını bloklamır. Paralel olaraq bir neçə istifadəçi eyni məlumata baxa bilir. PA10 yalnız məlumatlara DİSPLAY modunda baxmaq üçündür. Heç bir halda redaktə etməyə imkan vermir.

PA70 - Fast Entry / PA71 - Fast Entry of Time Data - məlumatların sürətli daxil edilməsi.

 PA30 vasitəsilə eyni anda yalnız bir işçiyə məlumat daxil edilə bilir. Bu isə istifadəçilər üçün əlverişsizdir. Bunun üçün SAP PA70 və PA71 tranzaksiyalarını təklif edir. Bunlardan istifadə edərək eyni anda çox sayda işçinin hesabına məlumat əlavə oluna bilir.

QEYD:  Bütün İNFOTYPE - lara məlumatları PA70 /PA71 vasitəsilə daxil etmək mümkün deyil.

1. PA70 vasitəsilə məlumatların daxil edilməsi:

1) PA70 daxil edilir.

2) Əsas səhifə bu formada açılır:

3) İstənilən tarix yazılır.

 4) Daxil olmaq istənilən İNFOTYPE seçilir

 5) İşçilərin şəxsi nömrələrini əlavə etməyin üsulu seçilir.

    1. Enter in fast entry screen - şəxsi nömrələri birbaşa daxil etmək.
    2. Manual preselection - nömrələri SEARCH - dən istifadə edərək daxil etmək.
    3. Preselect using report - nömrələri standart və ya istifadəçi proqramlar vasitəsilə daxil etmək.
    4. Preselection w.ad hoc query - nömrələri Ad Hoc Query vasitəsilə daxil etmək.

6) Create with proposal seçimi kliklənir.

    Sistem sizə iki imkan verir. 

     1. Create: Bu müxtəlif ödəniş növlərini(wagetype) müxtəlif məbləğlərdə daxil etmək üçündür.

     2. Create with proposal: Eyni ödəniş növünü bütün işçilərə eyni məbləğdə daxil etmək üçün.       

               

7) Açılan səhifədə məlumatlar ( məbləğ, pul vahidi və s)  daxil ediləndən sonra NEXT SCREEN düyməsi seçilir.

8) Növbəti səhifədə isə şəxsi nömrələr daxil edilib SAVE düyməsi seçilir və məlumat yaradılır. 

    QEYD: Bir səhifədə maksimum 20 işçi daxil edilə bilir. ( Misal: 100 işçiyə məlumat daxil etmək       üçün sonuncu addım OTHER PERS NOM düyməsi seçilərək beş dəfə təkrarlanır)

    Son olaraq PA70/PA71 vasitəsilə yaradılmış məlumatlar dəyişdirilə və ya silinə bilər. Yalnız məlumat yaratmaq üçün istifadə olunmur. PA71-in PA70-dən fərqi isə birincidə yalnız zamanla bağlı ( overtime, məzuniyyət və s.) məlumatların daxil olunmasıdır. 

İNFOTYPE / PA20 / PA30 / SİSTEMƏ MƏLUMATLARIN DAXİL EDİLMƏSİ VƏ BAXILMASI

           SAP HR İNFOTYPE-lar işçi haqqında cari və tarixi məlumatları saxlamaq üçündür. Misal üçün vəzifəsi , siğorta müqaviləsi, əmək müqaviləsi, ailə tərkibi, təhsili və s məlumatlar. Sistemdə 600-dən çox İNFOTYPE var. Buda işçinin məlumatlarını geniş şəkildə saxlamağa imkan verir.
           İNFOTYPE-lar PA40 və ya PA30 tranzaksiyasları ilə yaradıla, dəyişdirilə və ya silinə bilər.
Hər bir yaradılan məlumatlar uyğun cədvəllərdə saxlanılır.
           Yaradılan məlumatlar hər bir işçinin SAP tərəfindən təyin olunmuş nömrəsi ilə PA20 tranzaksiyası vasitəsilə baxıla bilər. Bunun PA30-dan əsas fərqi işçinin hesabına yalnız DİSPLAY modunda açmasıdır. İşçilərin məlumatlarına müxtəlif  standart proqramlar vasitəsilə də baxmaq olar.
           İstifadəçilərin istəyinə uyğun olaraq əlavə məlumatlar saxlamaq üçün yeni İNFOTYPE-lar yaradıla və ya mövcud olana əlavələr və ya çıxarışlar oluna bilər.
          İNFOTYPE  lara əlavə olaraq sistemdə SUBTYPE -larda var. Bunlar məlumatın bir yerdə müxtəlif şəkildə saxlanılması üçündür. Təhsil haqqında məlumatı İNFOTYPE kimi düşünsək , ali, orta və ya natamam təhsil bu məlumatın SUBTYPE - ı olur.

    PA30 vasitəsilə yeni məlumatın yaradılması : 

1. PA30 tranzaksiyası çağırılır. Açılan səhifədə PERSONNEL NUMBER sahəsinə işçinin nömrəsi           daxil edilir. Siyahıdan İNFOTYPE seçilir vəya nömrəsini bilirsinizsə İNFOTYPE sahəsinə                 nömrəni daxil edib( Misalda Education - 0022 ) yarat düyməsi kliklənir.

2. Bu addımdan sonra ekrana pop-up səhifəsi çıxır. Daxıl olunmaq istənən SUBTYPE seçilir.
    QEYD: hər bir SUBTYPE - a  uyğun gələn səhifə müxtəlif ola bilər.

3. Sonda məlumatları daxil etmək üçün səhifə açılır. Bütün məlumatlar daxil edildikdən sonra SAVE     edilir. Və məlumat işçinin şəxsi hesabına əlavə olunur.

    PA20 vasitəsilə yaradılan məlumatlara baxmaq: 

1. PA20 çağırılır. Uyğun sahəyə işçi nömrəsi daxil edilir. Baxmaq istədiyimiz məlumat siyahıdan           seçilib DİSPLAY düyməsi kliklənir.
    QEYD: Yalnız qarşısında yaşıl işarə olan İNFOTYPE-larda məlumat var.

2. Növbəti səhifədə yuxarıda daxil etdiyimiz məlumatlar görsənir. PA30-dan  fərqli olaraq                       səhifədəki heç bir sahədə dəyişiklik etmək mümkün deyil.

Maintain HR Master Data / PA30 ümumi məlumat

İlkin olaraq işçinin məlumatları PA40 vasitəsilə sistemdə yaradılır. Daha sonra bu məlumatları 

redaktə etmək, kopyalamaq və yenisini yaratmaq üçün ( 0000 və 0001 nömrəli İNFOTYPE-dan başqa)  

PA30 -dan istifadə olunur. 

1. PA30 əsas səhifə: 

Əsas səhifə yuxarıdakı kimi açılır. Əvvəlcədən yaradılmış PERSONEL nömrəsi uyğun sətirə yazıldıqda onun haqqında əvvəlcədən PA40-da yazılmış məlumatlar çıxır. Qarşısında yaşıl işarə olan infotiplərdə məlumatlar var. Boş olanlarda isə heç bir məlumat yoxdur.

     Ekrandakı düymələrin izahı:
1) Yeni İNFOTYPE yaradmaq üçün.
2) Yaradılmış İNFOTYPE  dəyişiklik etmək üçün.
3) İNFOTYPE yalnız baxmaq üçün. Redaktə üçün sətirlər aktiv olmayacaq.
4) İNFOTYPE kopyalanması.
5) İNFOTYPE məhdudlanması. ( həmin tarixdən o məlumat aktiv olmayacaq).
6) İNFOTYPE silinməsi.
7) İNFOTYPE list formasında baxılması. Əgər bir İNFOTYPE-da bir neçə məlumat mövcuddursa         eyni vaxtda və ya müxtəlif vaxtlarda bir səhifədə siyahi kimi göstərilir.

Sistemdə 600-dən çox İNFOTYPE var. Bütün məlumatların saxlanılması üçün geniş imkanlara sahibdi. Növbəti yazılarda çox istifadə olunan İNFOTYPE- ların izahı, tənzimlənməsi  və yenilərinin yaradılması haqqında məlumatlar olacaq.

Adlandırma, məlumatların tutulması :
İNFOTYPE-lar PAnnnn kimi adlandırılır. Misal üçün PA0008 . Onlarda saxlanılan məlumatlar uyğun olaraq PA0008 cədvəllərində saxlanılır. Bütün məlumatları bu cədvəldən əldə etmək olur.

QEYD: Ekranda görünən İNFOTYPE-lər  və onların düzülüşü tənzimlənəndi. İstəyə uyğun dəyişdirilə , silinə və ya yenisi əlavə oluna bilər.

PERSONAL ACTIONS / PA40 ümumi məlumat

PERSONAL ACTIONS / PA40 ümumi məlumat

      İşçinin işə qəbulu zamanı ilkin məlumatların sistemdə yaradılması,  işçiyə 

PERSONAL NUMBER təyin olunması , işçinin statusunun ( ACTİVE, İNACTİVE və s.) 

 müəyyən olunması  və işçinin vəzifəyə təyin olunması üçün PA40 transaksiyası 

çağırılır.  

        Çağırıldıqdan sonra aşağıda PERSONAL ACTİONS hissəsindən ACTİON-lardan 

biri seçilir və tarix qeyd olunur. Daha sonra açılan pəncərələrdə sıra ilə məlumatlar 

İNFOTYPE-lərə daxil edilir. PA40 transaksiyasının PA30-dan əsas fərqi 0000 və 0001

İNFOTİPİ - nin yalnız bu transaksiya ilə dəyişilməsidir.  Çünki bu infotiplər birbaşa

PAYROLLA təsir edir və işçinin STATUSUNU, vəzifəsini dəyişir.   

Digər bütün məlumatları PA30 transaksiyası ilə daxil etmək mümkündür.

ACTİON seçilib (nümunədə HİRİNG - işə qəbul ) tarix daxil edilib düyməyə basılır.

Açılan pəncərədə 0000 nömrəli  İNFOTYPE-a məlumatlar daxil olunub 

SAVE düyməsinə basıldıqdan sonra işçinin  məlumatları sistemdə yaradılır. 

Bundan sonra ardıcıl digər məlumatlar  daxil olunur. 

Qeyd: Məlumatların hansı ardıcıllıqla daxil olunması dəyişgəndi. Və istifadəçinin

istəyinə uyğun quraşdırıla bilir.

PA40 vasitəsilə işçinin işə qəbulu , iş müqaviləsinin dəyişdirilməsi, 

vəzifə dəyişikliyi , və işdən azad etmək  əməliyyatlar və s .  həyata keçirilir.

Sonrakı yazılarda İNFOTYPLER  və ACTİONLAR ın istifadəsi tənzimlənməsi 

və əlavələrin olunması haqqında izah olunacaq.

SAP - Human Capital Management

SAP - Human Capital Management

        SAP -nin Human Capital Management  modulu  şirkətlərə insan qaynaqlarını idarə etmək üçün müxtəlif həllər ve geniş imkanlar verir. Modul sizə işçini işə götürmək , inkişaf etdirmək , mükafatlandırmaq və ən sonda işdən azad etmək mərhələsinə qədər bütün imkanları təklif edir. 

        SAP HR/HCM  Financial Accounting (FI) , Controlling (CO), Production Planning, Materials Management və s modullarla inteqrasiya olunur.

         

             Modul özündə müxtəlif alt modulları (SUBMODULES) birləşdirir:

Organizational Management

Personnel Administration

Recruitment Management

Personnel Cost Management

Planning Budget

Payroll Benefits Compensation

Management Personnel

Development Training & Event Management

Travel Management

             

          SAP HR/HCM geniş və dəyişən imkanlar təqdim edir. Blogda  müxtəlif  konfiqurasiyalar və istifadəçilər üçün (End user) müxtəlif faydalı məlumatlar paylaşılacaq.